newneervely.com, நீர்வேலி மக்களின் ஒரேயொரு உறவுப்பாலம்

இசைத்துறையில் சாதனைகள் படைத்துவரும் செல்வி அபிநயா

  நீர்வேலியை தாயகமாக கொண்ட பதினேழு வயதினையுடைய செல்வி அபிநயா மதனராஜா அவர்கள் இலண்டனில் இசைத்துறையில் பல வியத்தகு சாதனைகள் படைத்துவருகின்றார். நீர்வேலி வடக்கு இராஜ வீதியில் வசித்த விஜயரட்ணம் (நீர்வேலிச்சந்தியில் முன்னர் மருந்தகம் வைத்திருந்தவர்) அவர்களுடைய மகன் மதனராஜா அவர்களுக்கும் பிறேமி அவர்களுக்கும் மகளாக பிறந்த செல்வி அபிநயா அவர்கள் இது வரை ஐந்து பாடல்களை தனது சொந்தக்குரலில் பாடியுள்ளார். அதில் மட்டக்களப்பு நாககாட்டு அம்மனுக்காக பாடிய பாடல் சிறப்பு வாய்ந்தது. இசைக்குழுவில் இணைந்து பல தென்னிந்திய சினிமா பாடல்களை பாடிவரும் செல்வி அபிநயா அவர்கள் இசைக்காக பலவிருதுகளையும் வென்றுள்ளார். 2017 இல் ஆவர்த்தனா பிரியராகங்கள் கானக்குயில் இசைத்தமிழன் விருது ஆகியவற்றினையும் 2018 இல் கானக்குயில் Title Winner ஆகவும் தெரிவுசெய்யப்பட்டு விருது வழங்கப்பட்டது. A/L பிரிவில் விஞ்ஞானபாடத்தினை கற்றுவரும் அபிநயா அவர்கள் சங்கீதத்தில் 7 Grade ம் பெற்ற இவர் Piano ம் கற்றுவருகின்றார். அத்துடன் IBC தமிழ் TV இல் ”நிலவைப்பிடிப்போம் ” எனும் நிகழ்ச்சியினை செய்துவருகின்றார். செல்வி அபிநயாவின் திறமைகள் அறிந்து நீர்வேலி கிராமம் பெருமைகொள்கின்றது. மேலும் பல உயர்வுகளை பெற்று எமது ஊரின் புகழை பறைசாற்ற தங்கை அபிநயா அவர்களுக்கு இணையத்தின் வாழ்த்துக்கள் உரித்தாகுக.



 




https://www.facebook.com/vijay.mathanarajah[:]

0 Comments