10ம் ஆண்டில் தடம் பதிக்கும்..

நீர்வேலி மக்களின் ஒரேயொரு உறவுப்பாலம்-newneervely.com,1.12.2020 அன்று பத்தாம் ஆண்டில் கால்பதிக்கின்றது

இந்த பொருத்தம் இல்லாமல் திருமண பொருத்தம் முழுமையடையாது!

பத்து பொருத்தம் பார்த்து திருமணம் செய்யும் போதும் சிலர் வாழ்க்கை இனிக்காமல், கசக்கும் போது தான் ஜாதகத்தில் என்ன பிரச்ன என மீண்டும் நாம் ஆராயத் தொடங்குகிறோம். அதனால் திருமணப் பொருத்தம் பார்க்கும் போது இதை நினைவில் வைத்துக் கொள்ளுங்கள்.
திருமணம் செய்வதற்கு முன் பல பொருத்தங்களும் மண மக்களின் ஜாதக பொருத்தம் பார்த்து நிச்சயிக்கப்படுகிறது.
அதில் எப்படிப்பட்ட கிரக நிலை, எப்படிப்பட்ட நட்சத்திர பொருத்தம் திருமண பொருத்தம் சிறப்பானதாக இருக்கும் என்பதைப் பார்ப்போம்.
◇ ஒரே மாதிரியான ரசனை உள்ள இருவர் திருமண ஜோடியாக சேர்ந்துவிட்டால், அவர்கள் வாழ்வதற்கு பணம் இருக்கிறதோ, இல்லையோ எப்போதும் மகிழ்ச்சியான வாழ்க்கை வாழ்வார்கள். அவர்கள் போல வேறு ஜோடி இருக்காது எனலாம்.

சுக்கிரன் சுகத்தையும், கல்யாண போகத்தை தரக் கூடியவர். சந்திரனோ மனோகாரகன். இந்த இருவரும் ரசனை கிரகங்கள் என அழைக்கப்படுகின்றன. இதில் ஒருவர் கெட்டு, ஒருவர் நல்ல நிலையில் இருந்தால், தனக்கு ஏற்ற ஆள் இவர் இல்லையோ என புலம்ப நேரிடும்.
◇ ஜோதிடர்கள் கணிப்பு ஏன் முக்கியம்?.
திருமணம் என்ற உடன், மணமக்களின் ஜாதகத்தை பொருத்தம் பார்த்து இருவருக்கும் ஏற்ற பொருத்தம் என சொன்ன பின்னரே பல பெற்றோர்கள் திருமணத்தை நிச்சயிக்கின்றனர்.
அப்படி இருக்க, சில நேரங்களில் நட்சத்திர பொருத்தம் மட்டும் பார்த்து திருமணம் செய்வதாலோ அல்லது சரியாக மணமக்களின் ஜாதக கட்டத்தை ஆராயாமல் பொருத்தம் நன்றாக இருக்கிறது என ஜோதிடர் சொன்னால், அதனால் அவஸ்தை அடையப்போவது ஜோதிடர் அல்ல. திருமணத்தை செய்து கொண்ட அந்த தம்பதியர் தான்.
◇ அப்படி பொருத்தம் பார்த்து ஒன்பது பொருத்தம் நன்றாக இருக்கே, அப்படி இருந்தும் ஏன் இப்படி பிரச்னையா வாழ்க்கை போகிறதென்று புலம்பினால், தலைகீழாக நின்றாலும் அதற்கான விடை கிடைக்காது. அதனால் திருமணத்தின் போது ஒன்றுக்கு இரண்டு முறை ஜாதக பொருத்தத்தைப் பார்த்தாலும் அது தவறில்லை.
ராசி, நட்சத்திரத்தை வைத்து மட்டும் பொருத்தத்தைப் பார்க்காமல், இருவருக்கும் உள்ள குரு, சனி, சுக்கிரன், புதன் கிரகங்களின் கிரக நிலை, கிரக பலன்களை அறிந்து, இருவருக்குமான திசா புத்தியை அறிந்து திருமண பொருத்தம் பார்ப்பது தான் சரியான திருமண பொருத்தமாகும்.
■ அதை விடுத்து வெறும் அந்தஸ்து, பணம், பதவி என்பதை மட்டும் ஆராய்ந்து மண வாழ்க்கையில் மணமக்களை இணைத்து அவர்களின் மகிழ்ச்சியான வாழ்க்கையைப் பறிகொடுத்து விடாதீர்கள்.
🙏● அதற்க்மேல் ஈசன் செயல் ●🙏

0 Comments