10ம் ஆண்டில் தடம் பதிக்கும்..

நீர்வேலி மக்களின் ஒரேயொரு உறவுப்பாலம்-newneervely.com,1.12.2020 அன்று பத்தாம் ஆண்டில் கால்பதிக்கின்றது

காலத்தால் அழியாதவை

மரண அறிவித்தல்-செல்லையா பாஸ்கரன் (Canada)

யாழ். நீர்வேலியைப் பிறப்பிடமாகவும், கனடா Brampton ஐ வதிவிடமாகவும் கொண்ட செல்லையா பாஸ்கரன் அவர்கள் 31-05-2021 திங்கட்கிழமை அன்று கனடாவில் காலமானார்.அன்னார், காலஞ்சென்ற செல்லையா, சந்திரமணி தம்பதிகளின் அன்பு மகனும், காலஞ்சென்ற தம்பிராஜா, நாகேஸ்வரி தம்பதிகளின் அன்பு மருமகனும்,விமலாதேவி அவர்களின் அன்புக் கணவரும்,அபிராமி, அபினன், அபிநயா ஆகியோரின் பாசமிகு தந்தையும்,
பாலகேதீஸ்வரி, காலஞ்சென்ற ஞானசீலன் மற்றும் உதயகுமார், செல்வகுமார், நிர்மலா ஆகியோரின் அன்புச் சகோதரரும்,
தர்மராஜா, செல்வராணி, தர்மமேஸ்வரி, அருந்தா, முருகதாஸ், தவமலர், மாலினி, சுமித்திரா, அன்ரன் ஆகியோரின் மைத்துனரும்,
சத்தியலஷ்மி, குணசோதிநாயகம், சண்முகநாதன், கஸ்ரர் ஆகியோரின் சகலனும் ஆவார்.
அன்னாரின் இறுதிக்கிரியை பற்றிய விபரம் பின்னர் அறியத்தரப்படும்.
இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.
தகவல்: குடும்பத்தினர்.

மேலும் வாசிக்க

நீர்வைக்கந்தன் திருவிழாவினை வெற்றிகரமாக நடாத்திய பெருமை

நீர்வைக்கந்தனின் வருடாந்த  திருவிழாவினை வெற்றிகரமாக நடாத்திய பெருமை ஆலயத்தின் நிர்வாக சபையினரையும் அதனுடைய தலைவர் திரு.த.சோதிலிங்கம் அவர்களையும் சாரும். கொரணா நிலமை காரணமாக பல சவால்களை எதிர்கொண்டு வரும் நேரத்தில் நீர்வைக்கந்தனின் வருடாந்த திருவிழாவினை நடாத்துவது என்பது மிகப்பபெரிய சாதனையாகும். அதுவும் மிகச்சறப்பாக எதுவிதமான இடைஞ்சல்களுமற்ற நிகழ்வாக நடாத்தியமைக்காக  திரு.த.சோதிலிங்கம் அவர்களையும் ஏனைய நிர்வாக உறுப்பினர்களையும் எமது நீர்வேலி இணையம் பாராட்டுவதுடன் நன்றிகளையும் தெரிவித்துக் கொள்கின்றது.

 

கந்தசுவாமி கோவில் -தேர்த்திருவிழா (thanks fm)

நீர்வைக்கந்தன் இளைஞர்களை பாராட்டுங்கள்

நீர்வைக்கந்தன் ஆலயத்தின் பெருந்திருவிழா பலத்த  கொரணா தொடர்பான சிக்கல்களுக்கு  மத்தியில்  முருகனின் திருவருளால் சிறப்பாக நடைபெற்று இன்றுடன் வெற்றிகரமாக நிறைவுக்கு வருகின்றது. இதற்கு பலருடைய ஒத்துழைப்புக்கள் காரணமாக இருக்கின்றன. ஆனாலும் நீர்வைக்கந்தன் இளைஞர்கள் மின்குமிழ்களால் ஆலயச் சுற்றாடலை அழகுபடுத்திய விதம் அனைவரையும் பெரு மகிழ்ச்சியில் ஆழ்த்தியுள்ளது. இதற்கு முன்னுள்ள வருடங்களில் செய்தவற்றை விட இந்த ஆண்டு திருவிழாவினையொட்டி இளைஞர்கள் மேற்கொண்ட மின்குமிழ் அலங்கரிப்பு பிரமிக்க வைக்கின்றது. இந்த சேவையில் ஈடுபட்ட அனைத்து இளைஞர்களையும் வாழ்த்துவதுடன் நன்றிகளையும் தெரிவித்துக்கொள்கின்றோம். எங்கள் நீர்வேலி தொடர்பாக ஏனைய ஊரவர்களின் பார்வையில் நீர்வைக்கந்தனின் திருவிழா தொடர்பாக உயர்ந்த மரியாதையினை ஏற்படுத்தியிருக்கும் என்பது உறுதி. மேலும் வாசிக்க

பாலர் பகல்விடுதியில் புதிய தலைவர் தெரிவு செய்யப்பட்டார்

நீர்வேலி தெற்கு பாலர் பகல்விடுதியில் 26.04.2021 அன்று பொதுக்கூட்டம் நடைபெற்றது. அதில் புதிய தலைவராக அச்செழு சைவப்பிரகாச வித்தியால அதிபர் திரு. வேலுப்பிள்ளை குணசீலன் அவர்கள் தெரிவு செய்யப்பட்டுள்ளார். நல்வாழ்த்துக்கள் திரு குணசீலன் சேர் அவர்களே . இதுவரை காலமும் தலைவராக இருந்து பாலர் பகர்விடுதியினை புதிய நிலைக்கு கொண்டு  சென்றவர் திரு.செ.பத்மநாதன்  அவர்கள். இலண்டனில் உள்ள  நலன்புரிச்சங்கம் 27 ஆண்டுகளுக்கு மேலாக எந்தவிதமான பொதுக்கூட்டமோ உறுப்பினர்கள் மாற்றமோ செய்யாமல் இயங்குவது போல் அல்லாமல் பாலர்பகல்விடுதி நிர்வாகம் ஒவ்வொரு ஆண்டும் கணக்கறிக்கை சமர்ப்பிப்பு இரண்டு ஆண்டுகளுக்கு ஒரு தடவை  உறுப்பினர்கள் மாற்றம் என ஜனநாயக செயற்பாடுகள் உயர்ந்த தரத்தில் பேணிவரப்பட்டன. அத்துடன்  அத்தியாவசியமற்ற செலவுகளை குறைத்து அவசியமான செலவுகளை வினைத்திறனுடன் செய்து வங்கி நிலுவையினையும்  பாலர்பகல்நிலைய வங்கிக் கணக்கில் போதுமான அளவு  இட்டு அதிகமான வளங்களை பெருக்கியும்  மாணவர்கள் தொகையினை தொடர்ந்தும் அதிகமாக பேணியும் வந்துள்ளார். திரு.பத்மநாதன் அவர்கள் பொறுப்பேற்ற போது வங்கி நிலுவையானது முன்னைய நிர்வாகத்தினால் பூச்சிய நிலுவையில் வழங்கப்பட்டமை குறிப்பித்தக்கது.  எனவே இக்கால இளைஞர்கள் பாலர்பகல்விடுதியினுடைய சொத்துக்களை தொடர்ந்தும் பாதுகாப்பதுடன் மேலும் அதிகரித்து வளம்படுத்தவேண்டும் என்பது கட்டாயமாகும்.  எனவே புதிய நிர்வாகம் பாலர்பகல்விடுதியினை  மேலும் வளர்க்க வேண்டியது அவர்களது கட்டாயமாகும். அனைவருக்கும் நல்வாழ்த்துக்கள் மேலும் வாசிக்க

வாழ்க அதிபர் திரு ரவிச்சந்திரன் சேர் அவர்களே

2014 ஆம் ஆண்டு முதல் நீர்வேலி அத்தியார் இந்துக்கல்லூரியில் அதிபராக கடமையேற்று 27.04.2021 அன்றுடன் அச்சுவேலி மத்திய கல்லூரியில் அதிபராக தனது சொந்த விருப்பின் அடிப்படையில் திரு.கு.ரவிச்சந்திரன் அவர்கள் மாற்றம் பெற்றுச் செல்கின்றார். தனது கடந்த ஏழு வருட சேவையில் பல அரிய சாதனைகளை பாடசாலையில் நிகழ்த்திய பெருமை மேற்படி அதிபரினை சாரும். கடந்த வருடம் க.பொ.த சாதரண தரத்தில் கூட 79 சதவீதமான சித்திகளை அத்தியாரில் காட்டி கோப்பாய் கோட்டத்தில் க.பொ.த சாதரண தரத்தில் நீர்வேலி அத்தியார் இந்துக்கல்லூரியை முதலாவது இடத்திற்கு கொண்டுவந்தவர். இது போல இன்னும் பல கல்விச்சாதனைகளை பாடசாலையில் நிகழ்த்தியுள்ளார். வாந்தாரை வரவேற்று வாழ்த்தி அனுப்புவதே நீர்வேலியின் பண்பாடு ஆகும். எமது நீர்வேலி இணையம் தங்களது அளப்பரிய சேவைக்கு என்றும் நன்றி கூறுகின்றது. அதிபர் அவர்களே – பாடசாலைக்கு வெளியே சிலர் தங்கள் மீது சேறு தடவினாலும் ஒட்டுமொத்த நீர்வேலி மக்களும் இவ்வாறுதான் என எண்ணி விடாதீர்கள் . உங்கள் காலத்தில் கல்வி கற்ற மாணவர்களும் உங்கள் காலத்தில் கல்வி கற்பித்த ஆசிரியர்களும் உங்களின் அருமையினை அறிவர் . நீங்கள் கல்வியில் கொண்ட அக்கறையினை மாணவர்கள் நிச்சயம் பறைசாற்றுவர்.
வாழ்க அதிபர் திரு ரவிச்சந்திரன் சேர் அவர்களே

மேலும் வாசிக்க

தேர்த்திருவிழா நேரலைக்கு உதவி புரிந்தோர்

26.04.2021 அன்று நடைபெற்ற தேர்த்திருவிழாவினை நேரலையாக எமது இணையம் செய்தமை யாவரும் அறிந்ததே. அதற்கான செலவு 15 000 ரூபாய் ஆகும். இலண்டனில் வதியும் திரு.சாந்தன் அவர்கள் 5000 ரூபாயும் கனடாவில் வதியும் திருமதி காவேரி இராஜசிவம் அவர்கள் 5000 ரூபாயும் இணையத்தின் பங்களிப்பாக 5000 ரூபாயும் அன்பளிப்புச் செய்திருந்தனர்.  எமது நீர்வேலி உறவுகள் கொரணா நிலமை காரணமாக நீர்வேலிக்கு வருகை தர முடியாமல் தவித்திருக்கும் வேளையில் அந்த நேரடி ஒளிபரப்பு அவர்கள் ஏக்கத்தினை ஒரளவு நிவர்த்தி செய்திருக்கும் என நம்புகின்றோம். அந்தவகையில் நேரலைக்கு உதவி செய்தவர்கள் நன்றிக்குரியவர்கள்