10ம் ஆண்டில் தடம் பதிக்கும்..

நீர்வேலி மக்களின் ஒரேயொரு உறவுப்பாலம்-newneervely.com,1.12.2020 அன்று பத்தாம் ஆண்டில் கால்பதிக்கின்றது

காலத்தால் அழியாதவை

பாலர் பகல்விடுதியில் புதிய தலைவர் தெரிவு செய்யப்பட்டார்

நீர்வேலி தெற்கு பாலர் பகல்விடுதியில் 26.04.2021 அன்று பொதுக்கூட்டம் நடைபெற்றது. அதில் புதிய தலைவராக அச்செழு சைவப்பிரகாச வித்தியால அதிபர் திரு. வேலுப்பிள்ளை குணசீலன் அவர்கள் தெரிவு செய்யப்பட்டுள்ளார். நல்வாழ்த்துக்கள் திரு குணசீலன் சேர் அவர்களே . இதுவரை காலமும் தலைவராக இருந்து பாலர் பகர்விடுதியினை புதிய நிலைக்கு கொண்டு  சென்றவர் திரு.செ.பத்மநாதன்  அவர்கள். இலண்டனில் உள்ள  நலன்புரிச்சங்கம் 27 ஆண்டுகளுக்கு மேலாக எந்தவிதமான பொதுக்கூட்டமோ உறுப்பினர்கள் மாற்றமோ செய்யாமல் இயங்குவது போல் அல்லாமல் பாலர்பகல்விடுதி நிர்வாகம் ஒவ்வொரு ஆண்டும் கணக்கறிக்கை சமர்ப்பிப்பு இரண்டு ஆண்டுகளுக்கு ஒரு தடவை  உறுப்பினர்கள் மாற்றம் என ஜனநாயக செயற்பாடுகள் உயர்ந்த தரத்தில் பேணிவரப்பட்டன. அத்துடன்  அத்தியாவசியமற்ற செலவுகளை குறைத்து அவசியமான செலவுகளை வினைத்திறனுடன் செய்து வங்கி நிலுவையினையும்  பாலர்பகல்நிலைய வங்கிக் கணக்கில் போதுமான அளவு  இட்டு அதிகமான வளங்களை பெருக்கியும்  மாணவர்கள் தொகையினை தொடர்ந்தும் அதிகமாக பேணியும் வந்துள்ளார். திரு.பத்மநாதன் அவர்கள் பொறுப்பேற்ற போது வங்கி நிலுவையானது முன்னைய நிர்வாகத்தினால் பூச்சிய நிலுவையில் வழங்கப்பட்டமை குறிப்பித்தக்கது.  எனவே இக்கால இளைஞர்கள் பாலர்பகல்விடுதியினுடைய சொத்துக்களை தொடர்ந்தும் பாதுகாப்பதுடன் மேலும் அதிகரித்து வளம்படுத்தவேண்டும் என்பது கட்டாயமாகும்.  எனவே புதிய நிர்வாகம் பாலர்பகல்விடுதியினை  மேலும் வளர்க்க வேண்டியது அவர்களது கட்டாயமாகும். அனைவருக்கும் நல்வாழ்த்துக்கள் மேலும் வாசிக்க

தேர்த்திருவிழா நேரலைக்கு உதவி புரிந்தோர்

26.04.2021 அன்று நடைபெற்ற தேர்த்திருவிழாவினை நேரலையாக எமது இணையம் செய்தமை யாவரும் அறிந்ததே. அதற்கான செலவு 15 000 ரூபாய் ஆகும். இலண்டனில் வதியும் திரு.சாந்தன் அவர்கள் 5000 ரூபாயும் கனடாவில் வதியும் திருமதி காவேரி இராஜசிவம் அவர்கள் 5000 ரூபாயும் இணையத்தின் பங்களிப்பாக 5000 ரூபாயும் அன்பளிப்புச் செய்திருந்தனர்.  எமது நீர்வேலி உறவுகள் கொரணா நிலமை காரணமாக நீர்வேலிக்கு வருகை தர முடியாமல் தவித்திருக்கும் வேளையில் அந்த நேரடி ஒளிபரப்பு அவர்கள் ஏக்கத்தினை ஒரளவு நிவர்த்தி செய்திருக்கும் என நம்புகின்றோம். அந்தவகையில் நேரலைக்கு உதவி செய்தவர்கள் நன்றிக்குரியவர்கள்

நீா்வேலி கந்தசுவாமி ஆலயம் தோ்த்திருவிழா 2021 -நேரலை காலை 5.30 மணியில் இருந்து

ஆறுமுகசாமி தேர்த்திருவிழாவிற்காக உலாவரும் காட்சி

மஞ்சத்திருவிழா -முழுமையான காணெளி -Capital fm

நீர்வைக்கந்தன் ஆலயம்-மஞ்சத்திருவிழா நேரலை

18.4.2021 ஞாயிற்றுக்கிழமை மாலை 5.00 மணியில் இருந்து ஒளிபரப்பாகும்.

நீர்வைக்கந்தன் ஆலய வெளிவீதிக்கு மின்குமிழ் அன்பளிப்பு

நீர்வேலி கந்தசுவாமி தேவஸ்தானத்தின் வருடாந்த உற்சவம் நடைபெறும் இக்காலத்தில் ஆலயத்தின் வெளிவீதியில் உள்ள மின்கம்பங்களில் LED தரத்திலான மின்குமிழ்கள் 13 மாற்றம் செய்யப்பட்டுள்ளது. இதற்காக 123 000 ரூபா நிதி செலவிட்டு இரவுத்திருவிழாவினை சிறப்புற நிகழ  தனது பங்களிப்பினை இலண்டனில் வதியும் நீர்வேலி தெற்கினைச் சேர்ந்த  திரு. பொன்னுத்துரை சிவசுப்பிரமணியம் அவர்கள்   செய்துள்ளார். கடந்த சில வருடங்களிற்கு முன்பு  மேற்படி மின்கம்பங்களினையும்  அதற்குரிய மின்குமிழ்களினையும் அமைத்துக் கொடுத்ததோடு குறித்த கால பாவனையின் பின்னர் தற்போது  LED தரத்திலான மின்குமிழ்கள் 13 இனை மாற்றம் செய்துள்ளார். அத்துடன் அத்தியார் இந்துக்கல்லூரியில் கல்விகற்று பல்கலைக்கழகம் செல்லும் மாணவர்களுக்கு பரிசில் வழங்க 40 000 ரூபா நிதியினையும் வழங்கியிருந்தார். நீர்வேலியின் கல்வி மற்றும் ஆலய வளர்ச்சியில் பங்களிப்பாற்றி வரும் திரு. பொன்னுத்துரை சிவசுப்பிரமணியம் அவர்களை எமது நீர்வேலி இணையம் நன்றியுடன் பாராட்டுகின்றது.

மேலும் வாசிக்க