www.newneervely.com நீர்வேலி மக்களின் ஒரேயொரு உறவுப்பாலம்

நீர்வேலியின் வட்டாரங்களும் அதற்குள் அடங்கும் வீதிகளும்

நீர்வேலியின் வட்டாரங்களும் அதற்குள் அடங்கும் வீதிகளையும் தற்போது நீர்வேலியில் வாழும் மக்களும் இளையவர்களும் அறிய வேண்டும் என்பதற்காக பிரதேச சபையுடன் தொடர்புகளை ஏற்படுத்தி தகவல்கள் பெறப்பட்டுள்ளன. நீர்வேலியில் வாழும் அனைவரும் நீங்கள் எந்த வீதிக்குள் வதிகின்றீர்கள் என்பதனை உறுதி செய்து அவ் வீதிகளுக்கு நீங்களாகவே அல்லது உங்கள் செலவில் பெயர்பலகையினை அமைத்து வைப்பது உங்களின் தலையாய கடமையாகும். அத்துடன் பதியப்படாத வீதிகளில் வதிவோர் அவ் வீதிக்கு பெயர் இருந்தால் அவ் வீதியில் உள்ள அனைவரும் கையொப்பம் இட்டு பிரதேச சபையில் சமர்ப்பிக்கமுடியும். பெயர் இல்லாத ஒழுங்கைகளுக்கு அவ் வீதியில் வதியும் அனைவரும் இணைந்து ஒரு பெயரினை வைத்து அதனை பதிவு செய்து கொள்ளமுடியும்.  தற்போது வாழும் சிறுவர்களுக்கும் இளவயதினர்களுக்கும் பழைய தகவல்களை வழங்க வேண்டியது பெரியவர்களாகிய உங்கள் கடமையாகும்.  மேலும் வாசிக்க

உபநயன அழைப்பிதழ்- சிரஞ்சீவி அபிநயசர்மா

  12.06.2019 புதன்கிழமை காலை 10.54 தொடக்கம் 11.48 வரையுள்ள சுபவேளையில் பிரம்மஸ்ரீ தி.குமாரசதாசிவசர்மா அவர்களின் பேரனும் திரு.திருமதி பாலரூபன் அவர்களுடைய புதல்வர் சிரஞ்கீவி அபிநயசர்மா அவர்களுக்கு உபநயன முடிவுசெய்யப்பட்டுள்ளது. மேலும் வாசிக்க

ஓடிற்றர் சின்னத்தம்பி அவர்களின் 25 ஆம் ஆண்டு நினைவுநாள்

 நீர்வேலி கரந்தன் வீதியினையைச் சேர்ந்த திரு.வே.சின்னத்தம்பி அவர்களும் அவருடைய புதல்வி செல்வி.சி.சிவதர்சினி அவர்களும் அவர்களுடைய நெருங்கிய உறவினரான செல்வி க.புஸ்பராணி அவர்களும் 22.05.1994 அன்று கரந்தன் வீதியில் புக்காரா விமானத்தாக்குதலில்  பலியாகி இன்றுடன் 25 ஆண்டுகள் நிறைவடைந்துள்ளன. நீர்வேலி பலநோக்கு கூட்டுறவுச் சங்கத்தில் தலைவராகவும் நீர்வேலி அரசகேசரிப்பிள்ளையார் கோவில் பரிபாலன சபை தலைவராகவும் ஊரில் பொது அமைப்புக்களில் மிகுந்த ஈடுபாட்டுடன் இயங்கி வந்தார். அக்காலத்தில் திரு.வே.சின்னத்தம்பி அவர்கள் ஓடிற்றர் சின்னத்தம்பி என ஊரில் எல்லோராலும் அழைக்கப்படுவார். அவருடைய புதல்வி சிவதர்சினி அவர்கள் வேம்படி மகளீர் கல்லூரியில் உயர்தரம் கற்றவர். கா.பொ.த சாதாரண தரத்தில் உயர்பெறுபெற்றவர். 22.05.1994 அன்று வீட்டிற்கு அருகில் உள்ள தோட்டத்தில் காலை வேளை வேலைசெய்து கொண்டிருந்த வேளை புக்கார என்கின்ற போர் விமானம் நடத்திய தாக்குதலில் இந்த மூவரும் கொல்லப்பட்டனர். இச்சம்பவம் அன்றைய நாளில் நீர்வேலி மக்களையே  சோகத்தில் அழ்த்தியிருந்தது. 22.05.2019 இன்றைய நாளில் ஓடிற்றர் சின்னத்தம்பி – சிவதர்சினி – மற்றும் புஸ்பராணி ஆகியோரினை நினைவு கூர்ந்து அவர்கள் மூவருடைய அத்மா சாந்தியடைய பிரார்த்திக்கின்றோம். மேலும் வாசிக்க

நீர்வேலி வடக்கு இராஜேஸ்வரி அம்மன் -தேர்த்திருவிழா

மேலும் வாசிக்க

சீ.சீ.த.க பாடசாலை அதிபர் மாற்றம் பெற்று செல்கின்றார்.

நீர்வேலி வடக்கு சீ.சீ.த.க பாடசாலையின் அதிபர் திரு.தி.ரவீந்திரநாதன் அவர்கள் 06.05.2019 திங்கட்கிழமை முதல் நல்லூர்  ஸ்ரீ விக்னேஸ்வரா வித்தியாலத்திற்கு இடம்மாற்றம் பெற்றுச்  சென்றுள்ளார். இவர் சீ.சீ.த.க பாடசாலையில் நான்கு வருடத்திற்கு மேலாக மிகச்சிறந்த சேவையினை ஆற்றி மாற்றம் பெற்றுச் சென்றுள்ளார். பாடசாலையை இவர் பொறுப்பேற்ற காலத்தில் இருந்து தற்காலம் வரை மிக உயரிய சேவையினை பாடசாலைக்கு ஆற்றிச் சென்றுள்ளார். மிக்குறைந்த மாணவர்களை வைத்துக்கொண்டு பாடசாலையில் பாரிய வேலைத்திட்டங்களையும் கல்வி அபிவிருத்திகளையும் செய்து உயர்ந்த நிலைக்கு இட்டுச்சென்றுள்ளார். பாடசாலைக்கு மிகச்சவாலாக இருந்த விளையாட்டு மைதானத்திற்கும் சுமார் 5இலட்சத்தி ஐம்பதாயிரம் ரூபாவினை தனது சொந்த முயற்சியினால் நீர்வேலிக்கு உள்ளேயும் வெளியேயும் சேர்த்து  மைதானப்பிரச்சினைக்கு தீர்வு கண்டுள்ளார். அவ் மைதானத்தினை வடமாகாண முன்னாள் ஆளுநர் அவர்களைக் கொண்டு திறப்புவிழாவினை செய்திருந்தார். அத்துடன் பாடசாலைக்கு பாண்ட வாத்தியங்கள் அதற்கான ஆடைகள் வகுப்பறைக்கட்டிடங்கள் மலசலகூடங்கள் பாடசாலையின் பிரதான மண்டபம் கணனிகள் குடிநீர் வசதி என அனைத்து வசதிகளையும் தேடி பாடசாலைக்கு வளம் சேர்த்துள்ளார். யாழ்ப்பாணத்தில் உள்ள இவரது நட்பின் பால் பல வர்ததகர்கள் இந்திய துணைத்தூதுவர் என அனைவரையும் பாடசாலைக்கு வரவழைத்து கௌரவித்து அவர்களிட்ம் பாடசாலைக்குறைகளை சொல்லி உதவி பெற்று பாடசாலையின் பல தேவைகளை நிறைவேற்றியுள்ளார். மேலும் வாசிக்க

நீர்வேலி அரசகேசரிப்பிள்ளையார் -மணவளாக்கோலமும் வைகாசிமாத பூசையும்

நீர்வேலி அரசகேசரிப்பிள்ளையார் கோவிலில்  வைகாசி மாதத்தில் நடைபெறும் மணவளாக்கோலமும் வைகாசிமாத பூசையும் எதிர்வரும் 17.05.2019 வெள்ளிக்கிழமை நடைபெறவுள்ளது.    விநாயகப்பெருமானுக்கு 108 சங்காபிடேகமும்  மாலை சுவாமி வீதிவலம் வருதலும் நடைபெற்று 19.05.2019 ஞாயிற்றுக்கிழமை வைகாசி மாதப் பூசை நடைபெறும். மேலும் வாசிக்க

அன்னையர் தின வாழ்த்துக்கள் 2019

imagesmothers-day-2014-370x246


மேலும் வாசிக்க