நீர்வேலி தெற்கு கிராம சேவகர் பிரிவில் கடமையாற்றி தனது 60 ஆவது வயதில் ஓய்வு பெறும் மதிப்புக்குரிய கிராம சேவையாளர் திரு.கணபதிப்பிளளை உபேந்திரன் அவர்களுக்கு 09.01.2021 சனிக்கிழமை மாலை 3.00 மணியளவில் ஸ்ரீ சப்பிரமணிய சனசமூகத்தில் நிலையத்தலைவர் திரு.கணபதிப்பிள்ளை அவர்கள் தலைமையில் சேவைநலன் பாராட்டும் பிரியாவிடை வைபவமும் நடைபெற்றது. எங்கள் ஊரிற்கு வெளி இடங்களில் இருந்து சேவை செய்ய வந்து நீர்வேலி மக்களுக்கு உயரிய சேவையினை ஆற்றிவரும் அற்றிய அன்பர்களுக்கு நீர்வேலி மக்களின் நன்றியுணர்வும் அவர்களுக்கு மக்களால் வழங்கப்படுகின்ற கௌரவமும் விழாக்களும் அது விசேடமாக நீர்வேலி மக்களுக்கே உரிய உயரிய பண்பு ஆகும். அந்த வகையில் மதிப்புக்குரிய கிராமசேவையாளர் அவர்களுக்கு நீர்வேலி ஸ்ரீ சுப்பிரமணிய சனசமூக நிலைய நிர்வாகத்தினரும் அவ்விடத்து இளைஞர்களும் வழங்கிய பாராட்டு மிகச்சிறப்பாக செய்யப்பட்டதொன்றாகும். வாழ்த்துக்கள் இளைஞர்களே. நிலையத்தலைவர் அவர்களே தொடரட்டும் உங்கள் பணி மேலும் வாசிக்க

நீர்வேலி தெற்கு கிராமசேவையாளர் பிரிவில் கடந்த சில வருடங்களாக கடமையாற்றி 04.01.2021 அன்று தனது 60 வயதில் ஓய்வு பெறும் மதிப்புக்குரிய திரு. உபேந்திரன் கணபதிப்பிள்ளை அவர்களை நீர்வேலி தெற்கு மக்கள் சார்பாக வாழ்த்துகின்றோம். திரு. உபேந்திரன் கணபதிப்பிள்ளை அவர்கள் நீர்வேலி தெற்கு மக்களிற்கு தனது உயரிய சேவையை ஆற்றியிருந்தார். மக்களின் மனங்களிலும் என்றும் நீங்கா இடத்தினை திரு. உபேந்திரன் கணபதிப்பிள்ளை அவர்கள் பெற்றிருந்தார். அவருடைய ஓய்வு காலம் சிறப்பாக அமையவும் தனது குடும்பத்தினருடன் மகிழ்வாக வாழ வாழ்த்துகின்றோம். மேலும் வாசிக்க

புத்தூர் ஸ்ரீ சோமாஸ்கந்தக் கல்லூரியின் புதிய அதிபராக 11.01.2021 தொடக்கம் செயற்படுமாறு நீர்வேலியைச் சேர்ந்த திரு. சின்னத்தம்பி திரிகரன் அவர்களுக்கு நியமனம் வழங்கப்பட்டுள்ளது.திரிகரன் நீர்வேலியை பிறப்பிடமாகவும் வாழ்விடமாகவும் கொண்டவர். சோமஸ்கந்தக் கல்லூரியின் பழைய மாணவர். விஞ்ஞானத்துறைப் பட்டதாரி. கணித ஆசிரியராக வலிகாமம் கிழக்கில் புகழ்க்கொடி நாட்டியவர். அதிபர் சேவை தரம் 1 ஐச் சேர்ந்தவர் ஆவரங்கால் நடராஜ இராமலிங்க வித்தியாலயத்தின் பிரதி அதிபர் – ஊரெழு ஸ்ரீ கணேச வித்தியாலய அதிபர் – அச்சுவேலி மத்திய கல்லூரி அதிபர் என அவர் சேவையாற்றிய நிலையங்களில் தனது திறன் மிக்க சேவையால் புகழ் ஈட்டியிருக்கிறார்.அதிபர் திரு.சி.திரிகரன் அவர்களுக்கு  எமது இணையம் வாழ்த்துக்களை மேலும் வாசிக்க

நீர்வேலியின் கிழக்குப்பகுதியான பன்னாலையில் (நீர்வேலிச்சந்தியில் இருந்து கிழக்குப்பக்கமாக செல்லும் வீதி) அண்மையில் பெய்த மழைகளால் பல குடும்பங்கள் பாதிப்படைந்துள்ளன.மழையின் போது பாதுகாப்பாக இருப்பதற்கு எந்தவிதமான வசதியுமற்ற நிலையில் பாதிக்கப்பட்டிருந்தனர்.தற்போதும் பாதிக்கப்பட்டுள்ளனர். நீர்வேலியைச் சேர்ந்த வசதிபடைத்தவர்கள் பன்னாலைப்பிரதேசத்தில் பாதிக்கப்பட்ட ஒவ்வொரு குடும்பங்களுக்கும் ஒருவர் அல்லது சிலர் இணைந்து சிறிய வீடு ஒன்றினை அமைத்துக் கொடுக்கவேண்டும்.முடிந்தால் இதனை நீர்வேலியைச் சேர்ந்த அனைவருக்கும் பகிருங்கள்.இது இணையத்தின் நேரடி அவதானிப்பின் மூலமும் அவர்களுடன் பேட்டி கண்ட பின்னர் பெறப்பட்ட தகவல்கள் ஆகும். மேலும் வாசிக்க

“பொன்சக்திகலாகேந்திரா” முதல்வரும் நடனத்துறையின் சிறந்த நடனவித்தகர்
” கலைமாமணி ” திருமதி சத்தியப்பிரியா கயேந்திரன் அவர்கள்
யாழ் பல்கலைக்கழக நடனத்துறையின் சிரேஷ்ட விரிவுரையாளராக பதவியுயர்வு பெற்றுள்ளமை மிகவும் பெருமகிழ்வுக்குரியதாகும். கோவையூருக்கும் நீர்வையூருக்கும் பெருமை தருவதுடன் தனது கலைப்பயணத்தில் கலைத்துறைக்கு பெரும் முக்கியத்துவம் கொடுத்து முதன்மைபடுத்தி வருவதுடன் மாணவர்கள் பலரை உருவாக்கி கலைத்துறையினை வளர்த்து வரும் எங்கள் குரு திருமதி சத்தியப்பிரியா கயேந்திரன் அவர்களுக்கு எமது இதயபூர்வமான நல்வாழ்த்துகள் மேலும் வாசிக்க

சிவஸ்ரீ ச.ஜெயந்திநாத குருக்கள்

தோற்றம் 19.02.1962 மறைவு 26.12.2020

மேலும் வாசிக்க

நீர்வேலி தெற்கு குருந்தடி வீதியைச் சேர்ந்த திரு சி.கணபதிப்பிள்ளை அவர்கள் தனது மனைவி அமரர்  திருமதி .கண்மணியம்மா கணபதிப்பிள்ளை மற்றும்  மகளான   அமரர் செல்வி .அபிராமி கணபதிப்பிள்ளை ஆகிய  இருவரினதும் ஞாபகார்த்தமாக அத்தியார் இந்துக்கல்லூரிக்கு ரூபா ஒரு இலட்சம் நிதியுதவியினை பாடசாலை அதிபர் அவர்களிடம் வழங்கியுள்ளார். கல்லூரியின் ஸ்தாபகர் தினத்திற்கு ரூபா பத்தாயிரமும் விளையாட்டுத்துறையில் சாதிக்கும் மாணவர்களுக்கு ரூபா பதினையாயிரமும் கட்டுரைப்போட்டிக்காக ரூபா 25 000 ம் வசதிகுறைந்த பிள்ளைகளுக்கு ரூபா 50 000 ம் என்ற வகைகளுக்குள் மேற்படி ரூபா ஒரு இலட்சம் நிதியுதவியினை திரு .சி.கணபதிப்பிள்ளை அவர்கள் வழங்கியுள்ளார். பாராட்டுக்கள் மேலும் வாசிக்க